Мектебімізде жыл бойы білім мен өнердің, шығармашылық пен ізденістің шыңын бағындырған дарынды оқушыларды ұлықтауға арналған «Дарындылар шеруі – 2026» салтанатты кеші өтті.
Шара барысында түрлі пәндік олимпиадаларда, ғылыми жобаларда түрлі байқауларда жоғары нәтиже көрсеткен оқушылар марапатталды. Бұл – табандылық пен еңбектің, білімге деген құштарлықтың жеңісі.
Дарынды шәкірттеріміздің жетістігі – ата-аналар мен ұстаздардың бірлескен еңбегінің нәтижесі. Бүгінгі марапат иелерін шын жүректен құттықтап, алдағы уақытта да биік белестерді бағындыруларына тілектеспіз!
Дарын – жарқыраған жұлдыз болса, еңбек – сол жұлдызды биікке көтеретін қанат.
Жас таланттарымыздың жеңісі мен жетістігі молая берсін!
